Бұл аулаларда балалар және спорт алаңдары, футбол алаңы, жаттығу құрылғылары және қауіпсіз жабын орнатылған.
«Бұл – «Халық қатысатын бюджет» жобасының нәтижесі. Барлық төрт өтінім де дауыс беруден өтіп, тұрғындардан 100% қолдау алды. Жұмыс мамыр айының басында басталып, 1 маусымға дейін аяқталды», – деді Сарайшык ауданы әкімдігінің абаттандыру бөлімінің жетекші маманы Еламан Нүгербеков.
Шалкөде көшесі, 9 мекенжайындағы ауланың ашылуында балаларға арналған мерекелік іс-шара өтті: аниматорлар, байқаулар және көңілді музыка ұйымдастырылды.
«Біздің үйге 17 жыл болды. Енді ауламыз жаңарды, балалар бақытты, бұл бізге де қуаныш», – деді тұрғын Эльмира Бекпенова.
Еске сала кетейік, биыл Астанада шамамен 180 аула мен қоғамдық кеңістік абаттандырылады. Жұмыс қаланың барлық ауданында, оның ішінде тұрғын алаптарда да жүргізіледі. Бірқатары аяқталған. Балаларды қорғау күнінде елорданың алты ауданында тағы 40-тан астам аула мен қоғамдық кеңістік ашылды.
