Қазақстан жаңалықтары

Елімізде теміржол вокзалдарын жаңғырту аясында 124 нысанда реконструкция жүргізілуде. Қазіргі уақытта 36 вокзалдағы жұмыстар аяқталып, жолаушыларға арналған инфрақұрылым кезең-кезеңімен жаңартылып жатыр.

2026 жылы Қазақстанда 11 мың шақырымнан астам автожолда түрлі жол жұмыстары жүргізіледі. Оның ішінде мыңдаған шақырым жаңа жол салынып, бірқатар ірі жобалар іске қосылмақ.

Қыс мезгілі басталғалы бері Астанада қар шығару жұмыстары тоқтаусыз жалғасып келеді. Осы уақытқа дейін қар полигондарына 7,1 млн текше метрден астам қар жеткізілген. Қаланы тазартуға күн сайын мыңдаған жұмысшы мен арнайы техника тартылуда.

Астанада құрылыс саласының өкілдері Қазақстан Республикасының жаңа Конституциясы жобасын қолдайтындарын білдірді. Қатысушыларға жобаның негізгі ережелері түсіндіріліп, алдағы референдумның елдің дамуы үшін маңызы айтылды.

Жаңаөзен тұрғындары №11 автобус маршрутының сирек жүруіне және ескі автобустардың қатынауына шағымданды. Қала әкімдігі жақын уақытта бағытқа жаңа автобустар жеткізіліп, қоғамдық көлік саны кезең-кезеңімен көбейтілетінін мәлімдеді.

Алматыда қоғамдық көліктердің экологиялық талаптарға сәйкестігі тексерілуде. Мониторинг барысында кейбір автобустарда уыттылық деңгейінің жоғары екені анықталды.

Астанада қар тазалау жұмыстары күшейтілді. Қала көшелерін қар мен мұздан тазартуға 1700-ден астам техника жұмылдырылып, коммуналдық қызмет тәулік бойы жұмыс істеуде.

Алматыдағы №102 мектепте жол қауіпсіздігіне арналған интерактивті сабақ өтті. Шараны қалалық полиция департаментінің қызметкерлері ұйымдастырды. Басты мақсат - оқушыларды жолда абай болуға және ереже сақтауға баулу. Бұл туралы Алматы қалалық полиция департаментінің баспасөз қызметіне сілтеме жасап Urbanexpert.kz хабарлайды.

Астана қаласында Тәуелсіздік даңғылының бір бөлігі апаттық-қалпына келтіру жұмыстарына байланысты уақытша жабылды, деп хабарлайды елорда әкімдігінің ресми сайты.

Алматы қаласында қазіргі таңда электромобильдерге арналған 400 зарядтау станциясы жұмыс істеп тұр. Бұған қоса, қала әкімдігі тағы 300-ден астам станция орнатуды жоспарлап отыр. Бұл туралы Vlast.kz басылымының сұрауына берген жауапта Жол қозғалысын ұйымдастыру және жолаушылар көлігі басқармасы мәлімдеді. Алайда станциялардың қашан іске қосылатыны нақты айтылмады.