фото/Акимат
Астанада жұмыспен қамтуды қолдау және жұмыссыздық деңгейін төмендету бойынша жүйелі жұмыс жалғасуда. Астана қаласы әкімдігінің ресми сайтының деректері бойынша, жыл басынан бері жұмыспен қамту шараларымен 14 350 адам қамтылған, олардың жартысынан көбі — жастар, деп хабарлайды Urbanexpert.kz Астана әкімдігіне сілтеме жасап.
Тұрақты жұмыс орындарына — 2 363, қоғамдық жұмыстарға — 3 107 адам орналастырылды. Жастар тәжірибесі бағдарламасы аясында 614 астаналық, әлеуметтік жұмыс орындарына — 257 адам, ал «Күміс жас» жобасы бойынша — 717 адам еңбекке тартылды.
Бұдан бөлек, 2 885 қала тұрғыны «Бастау Бизнес» бағдарламасы бойынша оқудан өтті, 1 199 адам — сұранысқа ие дағдылар бойынша онлайн-курстарды тәмамдады, 2 978 адам — әлеуметтік кәсіби бағдардан өтті, 72 адам — кәсіби оқудан өтті.
Кәсіпкерлік бастамаларды қолдау мақсатында елордада 400 АЕК-ке дейінгі көлемде гранттар берілуде. Бағдарламаның екінші легі бойынша әлеуметтік осал топтардан шыққан 126 қатысушының гранттары мақұлданды.
«Электрондық еңбек биржасы» порталында бүгінгі таңда 748 жұмыс берушіден 7 566 бос жұмыс орны орналастырылған.
Жыл басынан бері қалада жастар мен жұмыссыз азаматтардың еңбек нарығына қатысу мүмкіндіктерін кеңейтуге бағытталған 40 бос жұмыс орындары жәрмеңкесі өткізілді.
Жұмыс орындарын құрудың өңірлік картасы аясында елордада 59 926 жұмыс орны ашылды, оның ішінде 53 136 — тұрақты, 6 790 — уақытша.
Атап айтқанда:
• іске асырылып жатқан жобалар аясында — 8 072 орын,
• жеке бастамалар бойынша (әр 10 мың тұрғынға 100 жұмыс орны) — 49 491,
• бос жұмыс орындарына еңбекке орналастырылғандар — 2 363 адам.